Wia dis foto come from, Getty Images
16 November 2023
Nigeria come from behind to play 1-1 draw wit Lesotho for dia first world cup qualifying match.
Lesotho shock di three time African champions afta dem take di lead through Motlomelo Mkhwanazifor goal inside 56 minutes for di Godswill Akpabio stadium for Uyo.
Super Eagles struggle to break down di Crocodiles wey defend well through out di match.
Afta di visitors score, na im Super Eagles coach Jose Peseiro make few changes.
Peseiro remove Taiwo Awoniyi and Ademola Lookman and bring in Moses Simon.
Simon improve di Super Eagles attack for di left wing wit im runs and dribbles.
One of im cross from di left find Iheanacho for di edge of di box, di Nigerian striker for score but im shot hit di post.
Few minutes later na im Nigeria equalize through Semi Ajayi. And na so di game take end for draw.
Nigeria go face Zimbabwe next on Sunday and dem go hope to get a win dia but e no go easy for dem.
Di 10 match qualifying series go stretch ova di next 47 months.
And di group winners go book dia place for di World Cup wey go take place for US, Mexico and Canada for 2026.
Group C get Nigeria, South Africa, Benin, Zimbabwe, Rwanda, and Lesotho.
Nigeria vs Lesotho highlights
Second half
Wia dis foto come from, @NGSuperEagles
96 Mins- Full time Nigeria 1-1
93 Mins- Lesotho defence clear dangerous ball inside di penalty area
90+6 Mins- Nigeria come forward again to try to find di winner
90 Mins-Corner kick Nigeria but Lesotho defend well
89 Mins- Nigeria try to push forward again as time don dey go
88 Mins- Free kick Nigeria, Simon shot worry di goalkeeper
86 Mins- Lesotho goalkeeper send di ball forward as rain kotinu to fall for Uyo
82 Mins- Substitution for Nigeria, Aina don enta and Lesotho don comot two players
80 Mins- Lesotho goalkeeper dey ground e be like say im get injury
79 Mins- Simon cross from di left side dey blocked by Lesotho defence
80 Mins- Lesotho goalkeeper dey ground e be like say im get injury
79 Mins- Simon cross from di left side dey blocked by Lesotho defence
76 Mins-Iheanacho cross di ball inside di penalty but im teamate miss am
75 Mins- Nigeria get anoda dangerous free kick
73 Mins- Simon free kick fly pass di left post
72 Mins- Free kick Nigeria from di edge of di right hand side of di box
71 Mins- Lesotho try to catch Nigeria from counter attack but Nigeria defence clear di ball
69 Mins- Substitution for Lesotho
66 Mins – Goal! Nigeria 1-1 Ajayi equalize from corner kick
64 Mins- Nigeria dey struggle to break down Lesotho defence
63 Mins- Nigeria hit Lesotho post, afta Iheanacho fire hot shot
62 Mins- Throw in to Nigeria for Lesotho half
58 Mins – Taiwo Awoninyi don comot and Moses Simon don enta
56 Mins- Goal! Nigeria 0-1 Lesotho na Mkwanazi score.
47 Mins- Lesotho try long shot to catch Nigerian goalkeeper wey bin dey out of position but di ball go out for goal kick
46 Mins- Lesotho try to play long pass but di ball no reach di striker instead im foul Nigeria defender
45 Mins- Second half don start
First half
45+ 1 – Halftime Nigeria 0-0 Lesotho
44 Mins-Anoda save from Lesotho goalkeeper to keep out Lookman shot from di left side
43 Mins- Free Kick Nigeria
41 Mins- Nigeria almost score afta Lesotho defence make mistake but dia goalkeeper save di ball
40 mins- Iwobi try to start anoda attack for Nigeria but again Lesotho defence clear di ball
38 Mins- Anoda chance for Nigeria dis time Lookman no fit beat di goalkeeper wey save im shot
35 Mins- Taiwo miss big chance to score afta im collect pass from Boniface inside di penalty box
33 Mins- Ihenacho play di freekick, di goalkeeper punch am before di ball go out for corner
31 Mins- Lookman win foul for Nigeria for dangerous position for di edge of di box
29 Mins- Iheanacho try to break on di left side for Nigeria but di defence clear di final pass inside di box
28 Mins- Long ball from Lesotho again no way for du visitors
27 Mins- Nigeria try to take di free kick quick but Lesotho players block di ball
25 mins- Lesotho defend di corner kick well
24 Mins- Nigeria attack Lesotho from di wings but defence kick di ball out for corner kick.
22 Mins- Nigeria force save from Lesotho golkeeper
21 Mins- Throw in to Nigeria
19 Mins- Iwobi dey try start anoda attack for Nigeria but im pass no work
18 Mins- Free kick Nigeria, but na poor effort from Super Eagles
16 Mins- Lesotho no really worry Nigeria from di corner kick
15 Mins- Lesotho almost score from quick quick counter attack play but Uzoho punch di ball go corner
13 mins- Nigeria get plenty possession
12 mins- Throw in to Lesotho
Skip Twitter postAllow Twitter content?
Dis article contain content wey Twitter provide. We ask for una permission before anytin dey loaded, as dem fit dey use cookies and oda technologies. You fit wan read di Twitter cookie policy and privacy policy before accepting. To view dis content choose ‘accept and continue’.
Accept and kontinuWarning: Di BBC no dey responsible for di content of external sites.
End of Twitter post
Line- up for Nigeria vs Lesotho
Nigeria Super Eagles lins up
23 Francis Uzoho, 3 Jamilu Collins, 7 Ademola Lookman, 5 Bright Osayi-Samuel, 8 Frank Onyeka, 13 Victor Boniface, 12 Taiwo Awoniyi, 6 Semi Ajayi, 18 Alex Iwobi, 17 Calvin Bassey, 14 Kelechi Iheanacho.
Lesotho Crocodiles Line up
16 Sekhoane Moerane, 17 Motete Mohai, 3 Rethabile Rasethuntsa, 7 Thabo Matsoele, 6 Lisema Lebokollane, 92 Motlomelo Mkhwanazi, 19 Thabiso Brown, 22 Thabo Lesaoana, 15 Jane Thabantso, 5 Tshwarelo Bereng, 18 Tsepang Sefali
Source link : https://www.bbc.com/pidgin/articles/c6prnk5xj08o.amp
Author :
Publish date : 2023-11-16 03:00:00
Copyright for syndicated content belongs to the linked Source.